लिक छाडेर घरमै पस्यो रेल, २ जनाको मृत्यु
ग्रीस, वैशाख ३१ । ग्रीसको उत्तरी क्षेत्रमा एउटा रेल दुर्घटना हुँदा कम्तीमा दुईजनाको मृत्यु भएको छ । सो रेल लिक छाडेर एउटा घरमा ठोक्किएको थियो । दुर्घटनामा अन्य केही यात्रु घाइते भएका छन् ।
अधिकारीहरुका अनुसार एथेन्सबाट आइरहेको उक्त रेल थेसालोनिकी सहरबाट करिब ४० किलोमिटरको दुरीमा दुर्घटना भएको हो । रेल ठोक्किएकै घरमा बसेका एकजनाले आफू हामफालेर बाँच्न सफल भएको बताए । एजेन्सी
