हेर्नुहोस ४० करोडको मुर्रा जातको यो रागाँ ! (फोटो/ भिडियो सहित)
एजेन्सी । भारतमा ‘शहन्शाह’ नाम गरेको चार वर्षको मुर्रा जातको एउटा रागाँको मूल्य ४० करोड रुपैयाँ (२५ करोड भारु) राखिएको छ । हरियाणा कृषि तथा कृषक कल्याण विभागले फरिदावाद जिल्लाको सुरजकुन्डमा आयोजना गरेको तीनदिने ‘एग्री लिडरसिप समिट २०१७’मा सबैभन्दा बढी आकर्षण बनेको उक्त रागाँको मूल्य २५ करोड भारु रहेको रागाँमालिकले बताएका हुन् ।
दिदवारी गाउँमा दूधडेरी चलाउने नरेन्द्र सिंहले पालेको शहन्शाह नाम गरेको उक्त रागाँको लम्बाइ पाँच फिट १० इन्च रहेको छ । सिंहका अनुसार उक्त रागाँले सन् २०१६ मासमेत उत्तर प्रदेशभरिको पशुमध्ये सबैभन्दा उत्कृष्ट स्थान हासिल गरेको थियो ।
उक्त रागाँको आमाले अझैसम्म दैनिक २७ लिटर दूध दिइरहेको सिंहले बताए । उनकाअनुसार शहन्शाहले दैनिक १० लिटर आमाको दूध र आधा लिटर घिउ खाने गर्दछ । सिंहले केहि वर्षपछि शहन्शाहको वीर्य बेचेरमात्र वार्षिक ५० लाख भारु कमाइ हुने बताएका छन् ।
उक्त गाउँमा अर्को किसानको त्यही जातको ‘रस्तम’ नाम गरेको शहन्शाहभन्दा केहि जेठो रागाँ रहेको बताउँदै उनले भने–‘अहिले रस्तमको मालिकले रस्तमको वीर्य बेचेरमात्रै वार्षिक ५० लाख भारु कमाइरहेका छन् ।
