‘प्रेम गीत-२’ मा संगै गीत गाएका प्रताप र ईन्दिरा नेपाल आईडलमा बने निर्णायक र प्रतिष्पर्धी (भिडियो सहित)
केहि समय अगाडी एकै गीत संगै गाएका जोडीमध्ये एउटा सांगीतिक रियालिटी सो को निर्णायक छ भने अर्को चाहिँ त्यसको प्रतिस्पर्धी । केहि समय अगाडी ‘प्रेमगीत २’ फिल्मको “मोटरसाइकलमा” बोलको गीत संगै गाएका थिए इन्दिरा जोशी र प्रताप लामाले ।
अहिले जोशी नेपाल आइडलकी निर्णायक छिन् र लामा त्यही रियालिटी शो को प्रतिस्पर्धी बनेर आएका छन् । तर, यी दुईबीच संगीत क्षेत्रमा भने व्यवसायिक सहकार्य पहिल्यै भैसकेको छ । यो जानकारी इन्दिराले यतिबेला थाहा पाइन् जतिबेला उनी निर्णायक बनिसकेकी थिइन् ।
यतिबेला ईन्दिरालाई नैतिक संकट नै परेको छ, कारण संगै व्यवसायिक गायनमा सहकार्य गरेका प्रतापको गायकीलाई जज् गर्नुपर्ने । एपि वान टेलिभिजन बाट प्रसारण भए पस्चात युट्युवमा निकै चर्चा बटुलिरहेको नेपाल आईडल त्यतिकै बिवादमा पनि छ ।
यता ईन्दिरा र प्रतापले प्रेम गीत २ को संगै गाएको गीत “मोटरसाइकलमा” पनि चर्चामै छ, जस्लाई डेब्यु संगीतकार एलिस कार्कीले कम्पोज गरेका छन् । ‘इन्दिरा र प्रतापको उक्त कुराले रोचक त बनाएको त छ नै भने अबको समयमा निर्णायक र प्रतिस्पर्धि बिचको भुमिका कस्तो हुनेछ भन्ने खुल्दुली पनि आम दर्शक माझ निकै बढिरहेको छ ।
प्रदिप खड्का र अस्लेशा ठकुरी लगायत कलाकार अभिनित, सन्तोष सेन निर्मित र रामशरण पाठक निर्देशित सिनेमा प्रेमगीत २ साउन १३ गते बाट देशैभर एकसाथ रिलिज हुँदैछ ।
https://youtu.be/rD0pYODsemo
