उत्तर कोरियाले अमेरिकामा हान्न सक्ने नयाँ रकेट इन्जिनको परीक्षण गर्यो
काठमाडौं, ९ असार । उत्तर कोरियाले नयाँ रकेट इन्जिनको परीक्षण गरेको दाबी अमेरिकाले गरेको छ । उक्त परीक्षण अमेरिकासम्म पुग्ने मिसाइल बनाउने प्रोजेक्ट अन्तर्गत भएको अमेरिकाको दावी छ ।
यो समाचार यस्तो सयममा आएको हो जब दुवै देशका बीचमा उत्तर कोरियाको परमाणु कार्यक्रमलाई लिएर तनाव जारी छ । ट्रम्प प्रशासनले यस मुद्दालाई आफ्नो प्राथमिकतामा राखेको छ ।
तर अन्तर्राष्ट्रिय निन्दाका बाबजूद उत्तर कोरियाले आफ्नो मिसाइल परीक्षण बढाएको छ जसको उदेश्य अन्तरद्वीपीय परमाणु मिसाइल बनाउने रहेको छ ।
अमेरिकी अधिकारीले नाम नवताउने शर्तमा कयौं संस्थालाई बताएका छन् कि यो उत्तर कोरियाको आईसीबीएम अर्थात अन्तरमहाद्वीपिय बेलास्टिक मिसाइलको एक चरण हुन सक्छ ।
उत्तर कोरियाको जासुसी सैन्य अप्रेशनको कारण विशेषज्ञका लागि यो पत्ता लगाउन मुस्किल भएको छ कि उत्तर आईसीबीएम बनाउनबाट कति टाढा छ । तर उत्तर को मिसाइल दक्षिण कोरिया र जापानसम्म पुग्नसक्छ जहाँ अमेरिकी सेनाको उपस्थिति रहेको छ ।
