धरानदेखि धनगढीसम्म कांग्रेसको अग्रता, ३ उपमहानगरमा एमाले अगाडि, यस्तो छ साँझ सम्मको नतिजा परिणाम…
काठमाडौं, १५ असार । दोस्रो चरणको स्थानीय निर्वाचन सम्पन्न भएका कुल ७ वटा उपमहानगरको मत परिणामबारे धेरैको ध्यान तानिएको छ । विहीबार मतगणना सुरु हुँदा ७ महानगर मध्ये नेपाली कांग्रेसले ४ वटा र एमालेले ३ वटामा सुरुवाती अग्रता लिएका छन् ।
एमालेको पकड मानिएको र संविधान संशोधनविरुद्ध आन्दोलनको केन्द्रका रुपमा रहेको बुटवल उपमहानगरपालिकामा नेपाली कांग्रेसले अग्रता लिएको छ ।
त्यसैगरी पूर्वको इटहरी र धरान नगरपालिकामा पनि सुरुको चरणमा कांग्रेसले नै अग्रता लिएको छ । तर, यो अग्रता निकै झिनो छ ।
नेपाली कांग्रेसले पश्चिमको धनगढी उपमहानगरपालिकामा पनि सुरुदेखि नै अग्रता लिएको छ । नेकपा एमालेले दाङका दुबै उपमहानगर घोराही र तुलसीपुरमा अग्रता लिएको छ । नेपालगञ्ज उपमहानगरपालिकामा पनि एमालेले नै शुरुवाती अग्रता लिएको छ ।
तथापि मतगणनाको सुरुमा देखिएको यही अग्रतालाई आधार मानेर विश्लेषण गर्न चाहिँ सकिँदैन । ७ महानगरमध्ये कुन दलले कति जित हासिल गर्लान् भनेर अहिले नै बताउन सकिने स्थिति छैन । तथापि उपमहानगरमा कांग्रेस र एमालेबाहेक अरु दलको जीतको सम्भावना कमै देखिएको छ ।
विहीबार साँझसम्म उपमहानगरपालिकाहरुको रिपोर्ट यस्तो छः
१. धरान उपमहानगरपालिका
मेयर/उपमेयर : कांग्रेस-२८/२८ = एमाले- १०/११ = माओवादी-६/६
२. इटहरी उपमहानगरपालिका
मेयर/उपमेयर : काङ्ग्रेस २२४ \ २३४ = एमाले १९७ \ १८७
३. बुटवल उपमहानगरपालिका
मेयर : कांग्रेस ७११ = एमाले ४६४
उपमेयर : माओवादी ४९५ = एमाले ५२८
४. घोराही उपमहानगरपालिका
मेयर/उपमेयर : एमाले ३५३/३५३ = कांग्रेस- १६२/१६२ = माओवादी-५४/५४ = राजमो- १८/१८
५. तुलसीपुर उपमहानगरपालिका
मेयर : एमाले : ९८४ = कांग्रेस: ६९९ = माओवादी ११३
६. नेपालगन्ज उपमहानगरपालिका
मेयर/उपमेयर : एमाले १४२\१५० = कांग्रेस १३०\१३५ = माओवादी केन्द्र ६०\५९ = राप्रपा ११०\९८ = संघीय समाजबादी फोरम २६ \ २६
७. धनगढी उपमहानगरपालिका
मेयर/उपमेयर : कांग्रेस १२२/१२१ = एमाले १३६/१३८ = राप्रपा ८७ / ८७ = माओवादी केन्द्र ५७/ ५७
