धनकुटामा भजन प्रतियोगिताको आयोजना, १३ जना प्रतियोगीलाई उछिन्दै ईन्दिरा राई प्रथम !
धनकुटा खबर, २१ असार । हरिशएनी एकादशी पर्वको अवसरमा धनकुटामा भजन प्रतियोगिताको आयोजना गरिएको छ ।
ज्येष्ठ नागरिक जिल्ला सघं धनकुटाको आयोजनामा भएको भजन प्रतियोगितामा १३ जनाले भाग लिएका थिए । प्रतियोगितामा ईन्दिरा राई प्रथम, रमा दाहाल दोश्रो र सकिला राणा, गोमा परियार र सर्मिला वस्नेत सात्वना हुनुभएको छ ।
ज्येष्ठ नागरिक जिल्ला सघं धनकुटाका अध्यक्ष रामवहादुर श्रेष्ठको अध्यक्षतामा भएको प्रतियोगिताका विजयीलाई नगद प्रदान गरिएको छ । भजन प्रतियोगितको निर्णायकमा पण्डित फडिन्द्रप्रसाद वराल,वद्रिनाथ अधिकारी,गोविन्द प्रसाद मैनाली रहनुभएको थियो । सो अवसरमा अन्य सहभागिहरुले भजन किर्तन समेत प्रस्तुत गरेका थिए । प्रतियोगिताको सञ्चालन ज्येष्ठ नागरिक जिल्ला सघं धनकुटाका सचिव कृष्णभागवत श्रेष्ठले गर्नुभएको थियो ।
यस्तै गत आईवार धनकुटामा पारिवारिक सचेतना कार्यक्रम सम्पन्न भएको छ । पारिवारिक सचेतना कार्यक्रममा ज्येष्ठ नागरिकको अवधारणा,ज्येष्ठ नागरिकले भोग्नुपरेको समस्या,ज्येष्ठ नागरिकहरुलाई हेरचाह गर्ने तरिका तथा ज्येष्ठ नागरिक स्वयमले ध्यान दिनुपर्ने कुराहरुको वारेमा छलफल गरिएको छ ।
परिवारका सदस्यहरु सहभागि कार्यक्रमको सहजिकरण ज्येष्ठ नागरिक जिल्ला सघं धनकुटाका अध्यक्ष रामवहादुर श्रेष्ठ,वरिष्ठ उपाध्यक्ष ईन्द्रवहादुर श्रेष्ठ,उपाध्यक्ष जयाँ राई, सचिव कृष्ण भागवत श्रेष्ठ, सरस्वती श्रेष्ठ लगायतले सहजिकरण गर्नुभएको थियो ।
