यस्तो प्रतिवद्दता ब्यक्त गर्दै सागुरीगढी गाउँपालिका ८ का जनप्रतिनीधिहरुले सम्हाले कार्यभार !
धनकुटा खबर,असार २२ । सागुरीगढी गाउँपालिका वडा नं ८ का वडाध्यक्ष जनप्रतिनीधिहरुले आज पदभार ग्रहण गर्दै कार्यभार सम्हालेका छन् ।
तस्वीर – हरेन नाम्दुङ्
गत असार १४ गते सम्पन्न स्थानीय तहको निर्वाचनमा विजयी वडाध्यक्ष जनप्रतिनीधि विनय राई सहित सदस्यहरु राम वहादुर राई, मणीकलाल राई,महिला सदस्य सञ्चमाया राई र दलित सदस्य ईन्द्र कुमारी सार्कीले पदभार ग्रहण गरेका हुन् ।
उनीहरुलाई वडा सचिव सूरज क्षेत्रीले पदभार ग्रहण गराएको स्थानीय पदम राईले जानकारी दिनुभयो । पदभार ग्रहणपछि वडाध्यक्ष राईले स्थानीय स्तरमा सुशासन कायम गर्ने, सेवाग्राहीलाई छिटोछरितो ढंगले सेवा दिने र सडक निर्माण र मर्मत सम्हारलाई पहिलो प्राथामिक्ता दिने प्रतिवद्धता व्यक्त गर्नुभयो ।
साथै उहाँले राहत रकम प्राप्तिका लागि त्यहाँका २८ जना द्धन्द्धपीडितहरुको नाम समेत जिल्ला प्रशासन कार्यलय समक्ष सिफारिस गर्नुभएको छ ।
