धनकुटालाई अपांगता मैत्री र हिंसा रहित बनाउने नवनिर्वाचित जनप्रतिनीधिहरुको प्रतिवद्धता
धनकुटा खबर, असार २४ । धनकुटाका नवनिर्वाचित प्रतिनीधिहरुले धनकुटाका हरेक स्थानिय निकायहरुलाई अपांगता मैत्री र महिला हिंसा मुक्त बनाउने बताएका छने ।
महिला पुःनस्थापना केन्द्र धनकुटाले शनिबार आयोजना गरेको एक अन्तिरक्रिया कार्यक्रममा उनीहरुले यस्तो प्रतिवद्धता जनाएका हुन् ।
अपांगता ब्यक्तिहरुलाई समाजले पहिलो प्राथमिकता दिनु समाजको पहिलो कर्तब्य भएकोले स्थानिय तहको हरेक तह अपांगता मैत्री बनाईने धनकुटा नगरपालिकाका मेयर चिन्तन तामाङले बताए ।
त्यस्तै चौबिसे गाउँपालिकाका उप–प्रमुख यज्ञ कुमारी रुचालले अब समाजमा आफ्नै मान्छेहरुबाट महिलाहरु पिंडित हुने दिनको अन्त्य हुने कुरा बताए ।
उक्त कार्यक्रममा पाख्रिबास नगरपालिकाका मेगर बिर्ख बहादुर राई,महालक्ष्मि नगरपालिकाका मेयर परशुराम नेपाल,छथर जोरपाटीका प्रमुख शेर बहादुर लिम्बु,खाल्सा छिन्ताङ सहिदभूमिका प्रमुख मनोज राई,चौबिसे गाउँपालिकाका प्रमुख खजिन्द्र याखा लगाएतले मन्तब्य राखेका थिए ।
त्यस्तै धनकुटा नगरपालिकाका उप–मेयर सकुन्तला बस्नेत,महालक्ष्मि नगरपालिकाका उपमेयर मन्जु अधिकारी लगाएतले मन्तब्य राखेका थिए ।
‘अपांगता भएका ब्यक्तिहरुलाई मायां हैन,अबसर दिऔं’भन्ने नाराका साथ संस्थाका अध्यक्ष जया राईको अध्यक्षतामा सम्पन्न उक्त एक दिवशिय कार्यक्रममा जिल्लाका ७ तहका जनप्रतिनीधिहरुलाई संस्थाले खादा ओढाएर सम्मान गरिएको थियो ।
महिला तथा बालबालिका कार्यालय धनकुटाको सहयोग तथमा सम्पन्न उक्त काकार्यक्रममा अपांग सेवा संघका केन्द्रिय सदस्य यमबहादुर बस्नेतले अपांगता सम्बन्धि कार्यपत्र प्रस्तुत गरेका थिए ।
