धनकुटाको पाख्रीवास स्थित सिमसार क्षेत्रमा अब पर्यटकहरुले धार्मिक स्थलको पनि दर्शन गर्न पाउने
धनकुटा खबर, असार २६ । पर्यटकीय स्थल धनकुटाको पाख्रीवास नगरपालिका वडा नं ४ स्थितको श्री संसारी माईपूजा सिमसार क्षेत्रमा अव पर्यटकहरुले धार्मिक स्थलको पनि दर्शन गर्न पाउने भएकाछन् ।
श्री संसारी माईपूजा सिमसार क्षेत्र संरक्षण समितिको पहलमा यहाँ पूर्वाञ्चलकै अग्लो गौतम वुद्धको मूर्ति निर्माण गरिएसँगै पर्यटकहरुले धार्मिक स्थलको दर्शन गर्न पाउने भएका हुन् ।
सांसद विकास कोषको १० लाख र समितिका अध्यक्ष ज्ञान वहादुर गुरुङ्ग सहित अन्य सदस्यहरुको जनश्रमदान तथा आर्थिक लगानी गरी जम्मा ३० लाखको लागतमा यहाँ गौतम वुद्धको मूर्ति वनाईएको हो ।
स्थानीय समाजसेवी तीलमाया मानन्धर र गोपाल मानन्धरले नि शूल्क प्रदान गर्नुभएको जग्गामा करिव साढे सत्ताईस फुट अग्लो गौतम वुद्धको मूर्ति निर्माण गरिएको हो ।
समितिलाई उधृत गर्दै यो मूर्ति पूर्वाञ्चलका अन्य स्थानका वुद्धको मूर्तिहरु भन्दा भएको मूर्ति निर्माण समितिका सवईञ्जिनीयर निरोज गुरुङ्गले जानकारी दिनुभएको छ ।
यसअघि यहाँ घुम्न आउने पर्यटकहरुले सिमसार, पोखरी,चियावगान र विभिन्न जातका विरुवा उत्पादन एवम् विक्रि वितरण गरिने नर्सरीको मात्र दृष्य अवलोकल गर्दै पीकनीक खान र रमाउन पाउथे भने अव वुद्धको मूर्ति समेत वनिएपछि धार्मिक दर्शन समेत गर्न पाउने समितिले जनाएको छ ।
