इजरायलमा ऐतिहांसीक हरितालिका तीज कार्यक्रम आयोजना हुदै, नेपालबाट आउने भए यी चर्चित कलाकार
इजरायल । यो वर्ष इजरायलमा ऐतिहांसीक तीज कार्यक्रम हुने भएको छ । इजरायलमा कृयाशिल झण्डै चार दर्जन संघसंस्थाको सहकार्यमा वृहत कार्यक्रम हुन लागको हो । आगामी अगस्त २५ तारीखमा हुने हरितालिका तीज कार्यक्रमका लागि ख्यातीप्राप्त राष्ट्रिय कलाकारहरु इजरायल आउने भएका हुन् ।
कार्यक्रमका लागि हास्यकलाकार सुजित थापा, लोक तथा दोहोरी गायक बद्री पंगेनी, गायिका कालिका रोका मगर , गायिका भूमिका गिरी लगायतका कलाकार आउने निश्चित भइसकेको मुल आयोजक समितिका संयोजक दिपक वलीले लाइटनेपाललाई जानकारी दिए ।
त्यसो त इजरायलमा यस्तो सांस्कृतिक कार्यक्रम नभएका होइनन् । तर यसरी सबै मिलेर एकै ठाउं गर्न लागिएको यो पहिलो पटक हो । विभिन्न संघ संस्थाले छुट्टा छुट्टै कार्यक्रम आयोजना गर्दा आयोजकलाई आर्थिक रुपमा नोक्सानी बेहोर्नु पर्ने र दर्शक पनि बांडीने भएकाले यो वर्ष सबै संघसंस्थाले एकै पटक एकै ठाउंमा कार्यक्रमको आयोजना गर्न लागिएको हो ।
इजरायलको स्मोलार्ज तेल अभिबमा हुन् लागेको कार्यक्रम साझ ७ बजे देखि सुरु हुने आयोजकले जनाएको छ । महिलाको विशेष चाड भएकाले विदेशमा रहेका नेपाली दिदीवहिनीलाई मध्यनजर गरेर दर खुवाउने कार्यक्रम समेत राखिएको छ । दर खानका लागि आयोजकले सांझ ७ वजे देखि ९.३० वजे सम्मको समय छुट्याएको छ भने त्यस पछि विहान ३ वजे सम्म सांस्कृतिक कार्यक्रम संचालन हुनेछ । इजरायलमा रहेका सम्पूर्ण संघ सस्था मुल आयोजक रहेर गर्न लागिएकाले यो कार्यक्रम ऐतिहांसीक हुने संयोजक वलीले विश्वास ब्यक्त गरेका छन् ।
