धनकुटा कर्मिटारका महिलाहरुले आफ्नै सक्रियतामा कृषक समुहको भवन निमार्ण गरे
धनकुटा खबर,२८ असार । धनकुटा नगरपालिका वडा न.५ कर्मिटारका महिलाहरुले आफ्नै सक्रियतामा भवन निमार्ण गरेका छन् । ताजा तरकारी फलफुल उत्पादक कृषक महिला समुहमा आवद्ध महिलाहरुले समुहको भवन निमार्ण गरेका हुन् ।
भवन अभावका कारण स्थानिय कृषकहरुले उत्पादन गरेको तरकारी तथा फलफुल संकलन गरि विक्री वितरण गर्न समस्या भएपछि भवन निमार्ण गरिएको ताजा तरकारी फलफुल उत्पादक कृषक महिला समुहका अध्यक्ष दुर्गा देवी श्रेष्ठले वताउनुभयो । करिव ५ लाख वरावरको लागतमा दुई कोठे भवन निमार्ण गरिएको छ ।
भवन निमार्णका लागी धनकुटा नगरपालिकावाट एक लाख १० हजार रुपैया विनियोजन भएको थियो भने वाँकी रकम महिला समुह आफैले लगानी गरेको छ । यसका साथै सिडिएक्स र सिडिपिले ४० हजार रुपैया वरावरको निमार्ण सामग्री सहयोग गरेको अध्यक्ष श्रेष्ठले वताउनुभयो ।
भवन निमार्ण भएपछि स्थानिय कृषकहरुले उत्पादन गरेका कृषिजन्य उपज संकलन तथा विक्री वितरणमा सहज भएको स्थानिय कृषकहरुले वताएका छन् । आफ्नै भवन निमार्ण भएपछि ताजा तरकारी फलफुल उत्पादक कृषक महिला समुहको वैठक लगायत समुहले सञ्चालन गर्ने विभिन्न क्रियाकलापहरु सञ्चालनमा सहज भएको छ ।
ताजा तरकारी फलफुल उत्पादक कृषक महिला समुहमा ४० जना कृषक महिलाहरु आवद्ध रहेका छन् ।
