धनकुटामा २ दिनमा २ सय बढीले फोटो सहितको मतदाता नामावली दर्ता गराए
धनकुटा खबर, श्रावण २ । फोटो सहितको मतदाता नामावली दर्ता गर्ने कार्य अन्तर्गत आज दोश्रो दिन सम्म धनकुटाका २ सय बढी मानिसहरुले नाम दर्ता गराएकाछन् ।
जिल्ला निर्वाचन कार्यलय धनकुटाले हिजो वाट थालेको यो कार्य अनुसार आज सम्म उल्लेखित संख्याका व्यक्तिले नामावली दर्ता गराएको कार्यलयका सूचना अधिकारी केशव पौडेलले जानकारी दिनुभयो ।
नाम दर्ताको क्रम साउन १५ गते सम्म सञ्चालन हुनेछ । फोटो सहितको नामावली दर्ताका लागि नागरिक्ताको प्रमाणपत्र आवश्यक पर्ने उहाँले वताउनुभएको छ । यदि वसाई सराई, ठेगाना परिरवर्तन भएको भए नागरिक्ता सहित स्थायी ठेगाना उल्लेख भएको कागजात, वसाई सराईको प्रमाणपत्र, विवाह दर्ताको प्रमाण पत्र,जग्गा धनीपूर्जाको प्रमाण पत्र र विद्युत महसुल तिरेको पूर्जा पनि आवश्यक पर्ने जनाईएको छ ।
मतदाता नामावलीमा नाम दर्ता नभएका कारण गएको स्थानीय तहको निर्वाचनमा सहभागीता जनाउन नपाएकाहरुले अहिले जिल्ला निर्वाचन कार्यलयमा गई नाम दर्ता गरे प्रार्देशिक र संसदीय निर्वाचनमा मतदान गर्न पाउनेछन् ।
