धनकुटाका भुकम्प पींडितहरुलाई अब निःशुल्क नक्सा पास
धनकुटा खबर, साउन ५ । धनकुटा नगरकार्यपालिकाले नगरका भुकम्प पींडितहरुलाई घर बनाउँदा निःशुल्क नक्सा पासको ब्यबस्था गर्ने भएको छ ।
नगरपालिकाका मेयर चिन्तन तामाङको अध्यक्षतामा बुधबार बसेको पहिलो बैठकबाट पिंडिले घर बनाउँदा नक्सा पास बापतको तिर्नुपर्ने रकम नलिने निर्णय गरेको हो ।
उक्त निर्णयबाट पिंडितहरुले नक्सा बापतको तिर्न पर्ने न्यूनतम १० हजार देखि ४० हजार सम्म रकम छुटको लाभ लिन सक्ने कार्यपालिकाका प्रवत्ता जमशेर छाराले जानकारी दिनुभयो ।
घर बनाउन ३ लाख अनुदान रकम पाउने धनकुटाका २ हजार ७ सय ९६ घरधुरी मध्ये उक्त सेवाबाट धनकुटा नगरकार्यपालिकामा करीव ४ सय २७ जना पिंडितहरुले सुबिधा पाउने कार्यपालिकाका कार्यकारी अधिकृत तिर्थ प्रसाद धितालले जानकारी दिनुभयो ।
कार्यपालिकाको प्रथम बैठकले धनकुटा बजारको पार्कीङ ब्यबस्थापन, राजश्व परार्मश,बजेट तर्जुमा,श्रोत अनुमान समिति गठन लगाएतका बिभिन्न १३ वटा निर्णय गरेको कार्यपालिकाले जानकारी दिएको छ ।
