१० प्रतिशत छुटमा औषधी बिक्री गर्ने गरी धनकुटा अस्पतालमा सुलभ फार्मेसी सन्चालन
धनकुटा खबर, साउन १६ । धनकुटा अस्पतालमा सुलभ फार्मेसी औषधी पसल सन्चालनमा आएको छ । उक्त फार्मेसीको शोमबार क्षेत्रिय स्वास्थ्य निर्देशक बिष्णु बहादुर बस्नेतले उद्घाटन गर्नुभएपछि सन्चालनमा आएको हो ।
उक्त फार्मेसीमा सबै प्रकारका औषधीको अधिकतम मूल्यको १० प्रतिशत छुटमा औषधी बिक्री गरिने धनकुटा अस्पतालका डाक्टर मदन कुमार उपाध्ययले जानकारी दिनुभयो । रु ५ लाखको लागतमा सन्चालनमा आएको उक्त फार्मेसीले हाल ८४ प्रकारका अतिआबश्यक औषधी उपलब्ध गराउने अस्पताल बिकास समितिका अध्यक्ष सुनिल कुमार डंगोलले जानकारी दिनुभयो ।
सरकारले उपलब्ध गराउँदै आएको ७० प्रकारका निःशुल्क औषधी बाहेक सुलभ मूल्यमा सन्चालनमा आएको उक्त पसलले आर्थिक अबस्था कमजोर भएका बिरामीहरुलाई राहत पुग्ने अस्पतालले जानकारी दिएको छ ।
उत्घाटन कार्यक्रममा प्रमुख जिल्ला अधिकारी प्रेम प्रकाश उप्रेती,उद्योग बाणिज्य संघ धनकुटाका अध्यक्ष उमेश घिमिरे,वडा अध्यक्ष जंग बहादुर राई,नेपाल पत्रकार महासंघ धनकुटाका बिदुर खवासले फार्मेसी सन्चालनको शुभकामना दिनुभएको थियो ।
