धनकुटाका ५ विद्यालयलाई पुस्तक तथा आर्थिक सहयोग
धनकुटा खबर, २६ साउन । बालअधिकार तथा शान्ति शिक्षा कार्यक्रम सञ्चालन भएका धनकुटा जिल्लाका ५ विद्यालयलाई विभिन्न विद्याका पुस्तक तथा पुस्तक व्यवस्थापनका लागी आर्थिक सहयोग प्रदान गरिएको छ ।
किन्डरमिसनरेक जर्मनीको आर्थिक सहयोग र मानव अधिकार मञ्च नेपाल इलामको आयोजनामा सामुदायिक विकास मञ्च नेपाल सिडिएफ धनकुटा द्धारा सञ्चालित बाल अधिकार तथा शान्ति शिक्षा कार्यक्रम सञ्चानल भएका ५ विद्यालयलाई विभिन्न विद्याका पुस्तक तथा पुस्तक व्यवस्थापनका लागी आर्थिक सहयोग प्रदान गरिएको हो ।
कार्यक्रम सञ्चालन भएका विद्यालयलाई प्रति विद्यालय ४२ वटाका दरले विभिन्न विद्याका पुस्तक र पुस्तकालय व्यवस्थापनका लागी सहयोगार्थ प्रति विद्यालय ५ हजार रुपैयाका दरले वितरण गरिएको वाल अधिकार तथा शान्ति शिक्षा कार्यक्रमका जिल्ला संयोजक सावित्रा राईले वताउनुभयो ।
विभिन्न विद्याका पुस्तक तथा पुस्तक व्यवस्थापनमा सहयोग पाएका विद्यालयहरुमा गोलखाडी मावि महाभारत,सरस्वती मावि परेवादिन, भारती मावि हात्तिखर्क, भारती मावि चुङ्गमाङ्ग र रामनवमि मावि वुढिमोरङ्ग रहेको सामुदायिक विकास मञ्च सिडिएफ धनकुटाका सचिव टिकाराम लिंखाले वताउनुभयो ।
उक्त पुस्तक तथा नगद विद्यालयका संरक्षक शिक्षकलाई गत जेठ महिनामा हस्तान्तरण गरिएको छ । बालबालिकाहरुमा पठन संस्कृतिको विकास गर्न र बालबालिकाहरुलाई बाल साहित्य सृजना गर्ने अभिप्रेरणा जगाउने उद्देश्यले पुस्तक तथा आर्थिक सहयोग वितरण गरिएको संयोजक राईले वताउनुभयो ।
