कार्यभार सम्हालेको २ दिनमै पोखरामा एसपी सिंहले गरे यस्तो काम !
पोखरा, साउन ३० । कास्कीमा नयाँ प्रहरी प्रमुख गएसँगै प्रहरीले त्यहाँ संचालित २ वटा जुवा खालमा छापा मारेको छ ।
ललितपुरबाट कास्की सरुवा भएका एसपी अशोक सिंह त्यहाँ पुगेसँगै महेन्द्रपुल र लेकसाइटमा संचालित २ वटा जुवा खालमा प्रहरीले छापा मारेको हो। पोखरा लेकनाथ महानगरपालिका ७ स्थित भुपु एपीएफ खाजा घरमा प्रहरीले छापा मारेर १० जनालाई पक्राउ गरेको छ।
त्यस्तै महेन्द्रपुलस्थित भुपेन्द्र हिराचनको घरको पाचौं तल्लामा छापा मारेर प्रहरीले ८ जनालाई पक्राउ गरेको छ । उनीहरुको साथबाट १० लाख ६५ हजार रुपैयाँ बरामद भएको एसपी सिंहले बताए। सेतोपाटीमा खबर छ- एसपी सिंहले कार्यभार सम्हालेको २ दिनमा नै हो हल्ला गर्ने र गुन्डागर्दीमा सम्लग्न १ सय २ जनालाई नियन्त्रणमा लिएका छन ।
