माओवादी केन्द्रका नेता नारायणकाजीले भने,- एमालेले लोडसेडिङ अन्त्य गरेको भए पचास वर्ष ब्याज खान्थ्यो
सुर्खेत, भदौ १० । माओवादी केन्द्रका नेता नारायणकाजी श्रेष्ठ प्रदेश नं. ६ को कार्यक्रममा सम्बोधन गर्दै भने एमालेले लोडसेडिङ अन्त्य गरेको भए राजनीतिमा ५० वर्षसम्म त्यसको ब्याज खाने बताउनु भयो ।
नेता प्रकाशले भन्नुभयो, ‘हाम्रो अध्यक्ष पुष्पकमल दाहाल प्रधानमन्त्री हुँदा लोडसेडिङ हट्यो, आर्थिक वृद्धिदर ७.५ प्रतिशत पुग्यो, छिमेकीसँग सन्तुलित सम्बन्ध भयो, चुनाव भयो, देश संघीयतामा गयो, विकास आयोजनाहरुमा तिब्र प्रगति भयो ।
तर, हामीले आफैले गरेका काम जनतामा लान सकेनौं । एमालेले लोडसेडिङ हटाउथ्यो भने ५० वर्षसम्म त्यसको ब्याज खान्थ्यो, एमालेले चमत्कार गरेको प्रचार गरिन्थ्यो । १०० वृद्धाभत्ताको ब्याज खाएर आजसम्म एमाले बाँचेको छ ।’
माओवादीको नीति चुनावको उपयोग मात्रै गर्ने नभएको प्रकाशले बताउनु भयो । उहाँले भन्नुभयो, ‘संसदवाद र शान्तिपूर्ण प्रतिस्पर्धा एउटै कुरा होइन । हामी संसदवादको विरुद्धमा छौं । तर, शान्तिपूर्ण प्रतिस्पर्धालाई कार्यनीति बनाएका छौं ।
हाम्रो संसदमा सहभागिता लेनिनले प्रयोग गरेको दुमा जस्तो होइन । हामी दुमा जस्तो उपयोगको पक्षमा छैनांै, हामी यसको प्रयोग र विकासको पक्षमा छौं ।’- दैनिक न्यूज ।
