काठमाडौंका तीन गुन्डा नाइके पुगे प्रहरी हिरासतमा, चक्रेका भाई पनि आज पक्राऊ
काठमाडौं, १३ भदौ । काठमाडौंका तीन गुन्डा नाइके प्रहरी हिरासतमा पुगेको छ । चक्रे मिलन र साजन महर्जनपछि मंगलबार प्रहरीले तेजेन्द्र गुरुङलाई समेत पक्राउ गरेको छ । गुरुङ चक्रेका भाई हुन् ।
चक्रे र तेजेन्द्र मिलेर चक्रपथ क्षेत्रका व्यवसायीलाई धम्काउदै आएका थिए । दृष्टी न्यूजमा खबर छ- पक्राउ परेका तीनै जनालाई सार्वजनिक अपराध मुद्दामा कारबाही अघि बढाइएको प्रहरीले जनाएको छ ।
काठमाडौं प्रहरीले धम्की र असुलीमा संलगन अन्य गुन्डा नाइकेहरुलाई पनि पक्राउको तयारी गरिरहेको छ । तर, चर्चा कमाउन र तर्साउन गुन्डा अप्रेसन चलाएको भन्दै प्रहरीको आलोचना पनि भइरहेको छ ।
