राजपाका अध्यक्ष महन्थ ठाकुरले भोट हाल्न पाएनन्
काठमाडौं, २ असोज । २ नम्बर प्रदेशमा उत्साहजनक रुपमा मतदान भइरहदा राष्ट्रिय जनता पार्टी (राजपा) का अध्यक्ष महन्थ ठाकुरले भने भोट हाल्न पाएनन् । स्वास्थ्यका कारण उनले भोट हाल्न नपाएका हुन् ।
स्वास्थ्यमा समस्या देखिएकाले उहाँ मतदान नगरी सर्लाहीबाट काठमाडौं फर्किएको राजपाका नेता राजेन्द्र महतोले बताए । ठाकुर सर्लाही बलरा नगरपालिकाको मतदाता हुन् ।
सर्लाहीमै घर भएका राजपाका शीर्ष नेताहरु महतो र महेन्द्रराय यादवले भने मतदान गरेका छन् । महतोले चन्द्रनगर नगरपालिकाको खोबारी मावि र यादवले हरिपुर्वा नगरपालिकाको रामजानकी मन्दिर केन्द्रबाट मतदान गरेका छन् ।
