‘ओली र प्रचण्डबीच अझै विश्वासको संकट’
काठमाडौं । नेकपा माओवादी केन्द्रका नेता देवेन्द्र पौडेलले एमाले अध्यक्ष केपी ओली र माओवादी अध्यक्ष प्रचण्डबीच अझै विश्वासको संकट देखिएको बताएका छन् ।
शुक्रबार सञ्चारकर्मीहरुसँग कुरा गर्दैनेता देवेन्द्र पौडेलले पार्टी एकता ओली र प्रचण्डमा अड्किएको बताएका हुन् ।
उनले प्रचण्डलाई ओली र ओलीलाई प्रचण्डको विश्वास नभएको जनाउ दिँदै भने, ‘उहाँहरुले एकअर्काप्रति विश्वास खोजेका छन् । दुई नेताको व्यवस्थापनबारे ठोस सहमति नभएसम्म पार्टी एकता अघि बढ्न नसक्ने उनले ओली र प्रचण्डबीच कसले कसलाई नेतृत्व गर्ने भन्ने प्रश्न रहेको बताए ।
प्रचण्डलाई पार्टीको नेतृत्व दिँदा शक्ति सन्तुलन विग्रने र सरकार नै अप्ठ्यारोमा पर्ने सम्भावना देखेर सरकार र पार्टी दुबैको नेतृत्व दिने बहस चलेको हुन सक्ने उनको तर्क छ ।
