धनकुटाको निगाले सिमेन्ट उद्योगमा ढुंगामुढा गरेपछि सुरक्षाको माग (विज्ञप्ती सहित)
धनकुटा खबर । स्थानिय बासी र असन्तुष्ट समुहले धनकुटाको निगाले सिमेन्ट माथि ढुंगामुढा गरेपछि उद्योग बाणिज्य संघ धनकुटाले समन्वयन र सुरक्षाको माग गरेको छ ।
उद्योग अनुगमनको शिलसिलामा उद्योग अनुगमनमा आएको बिज्ञ टोली र उद्योगका प्रबन्धक दिनेश पौडेलमाथि शनिबार दिउँसो गालीगलोज र ढुंगामुढा भएको भन्दै बिज्ञप्ती जारी गरेर संघको गम्भिर ध्यानाकर्षण भएको जनाएको छ ।
‘बार्ताबाट समस्याको माध्यमबाट निष्कर्ष निकाल्न र प्रशासनलाई उद्योगको सुरक्षा प्रत्याभुत गराउन अनुरोध गर्दछौं ।’ संघका अध्यक्ष उमेश घिमिरेद्वार हस्ताक्षरीत बिज्ञप्तीमा उल्लेख छ ।
जिल्लाको छथर जोरपाटी स्थित सिधुवामा रहेको उक्त धनकुटाको एक मात्र ठूलो उद्योग हो । उक्त सिमेन्ट कारखानाले स्थानियबासीहरुको खेतीबाली र बातावरणमा प्रर्दुषण गरेको भन्दै पटक–पटक तनाव तथा अदालतमा मुद्दा चल्दै आएको छ ।
