धनकुटा हिले स्थित ‘श्री रत्न षडेश्वर शिवालय मन्दिर’लाई अब व्यवस्थित गरिने
धनकुटा खबर । धनकुटा १ हिले स्थितको श्री रत्न षडेश्वर शिवालय मन्दिरलाई थप व्यवस्थित गरिने भएको छ ।
धनकुटा नगरपालिकावाट प्राप्त १० लाख वजेटको लागतमा मन्दिरको स्तरोन्नितको काम भईरहेको छ । जसअनुसार अहिले जमिन भागवाट मन्दिरको वरिपरी पर्खाल उठाउने काम भईरहेको छ ।
मन्दिर व्यवस्थापन समितिका अध्यक्ष मदन मैनालीका अनुसार मन्दिर स्तरोन्नतीका काम अन्र्तगत तत्काललाई मूर्ति राखिएको तहमा वरिपरी पर्खाल लगाएर आकर्षक हल निर्माण गरिने छ भने मूर्तिलाई यस अघिको तह भन्दा माथि अर्थात दोश्रो तलामा राखीने छ ।
मन्दिर स्तरोन्नतीको कार्य समितिको प्रयास अनुसार थप वजेट जुटेको खण्डमा निरन्तर जारी रहने उहाँको भनाई छ । मन्दिरको जम्मा दुई रोपनी जग्गा मध्ये यसअघि नै आधा भागमा दुई तले भवन निर्माण गरिसकिएको छ ।
सो भवनको भूई तलाको भाग हलको रुपमा प्रयोग हुदै आएको छ भने दोश्रो तला भाडामा लगाएर मन्दिरको लागि आम्दानीको श्रोत भएको अध्यक्ष मैनालीले वताउनुभयो ।
