विदेशमा कमाएको पैसा दिगो नहुने देखेपछि कतारबाट फर्किएर गाई पालन शुरु, तीन करोड बढी लगानी (भिडियो सहित)
धनकुटा खबर । आफ्नै ठाउमा पसिना बगाए मनग्नै आम्दानी गर्न सकिन्छ भन्ने उहादहरण बनेका छन् छथरजोरपाटि गाउपालिका वडा नं. ६ नाम्जाङका किसान भरत गुरुङ ।
पैसा कमाउने लालसा लिई छथरजोरपाटि गाउपालिका वडा नं. ६ नाम्जाङका भरत गुरुङ २०५६ सालमा कतारको मरुभूमीमा जानुभयो । विदेशमा कमाएको पैसा दिगो नहुने देखेर करिव ७ वर्षपछि ४५ बर्षीय गुरुङले आफ्नै गाउँमा नै केही उद्यम गर्ने प्रण गरेर स्वदेश फर्कनुभयो । स्वेदशमा नै केहि गर्छु भन्ने प्रण गरेर २०७० सालमा आफ्नै गाउँ नाम्जाङमा करिव २ करोड लगानीमा मकालु गाईफार्म सुरु गरेको सञ्चालक भरत गुरुङले बताउनुभयो ।
विदेशबाट फर्केरपछि गुरुङले केही वर्ष तरकारी खेती गर्नुभयो । विभिन्न रोगका कारण तरकारी खेतीमा भनेजस्तो आम्दानी नभएपछि उहाले करिव दुई करोड लगानीबाट गाइ फार्म सुरु गर्नुभएको हो । अहिले लगानी तीन करोड रुपैया भन्दा बढि पुगिसकेको उहाले बताउनुभयो । यो फर्मबाट स्वच्छ तथा गुणस्तर दुध उत्पादन गर्ने, व्यवस्थित गोठ बनाउने उद्येश्यले लगानी गरेको उहाले बताउनु भयो ।
उहाले ५० लाख रुपैयाँ खर्चेर ३२ ओटा उन्नत गाई राख्ने क्षमताको आधुनिक फर्म निर्माण गर्नुभएको छ । गाईलाई खुवाउन करिव १५ सय रोपनीमा उन्नत जातको घाँस खेती गर्नुभएको छ ।
सुरुमा इलामबाट उन्नत जातको गाइ ल्याएर व्यवसाय सूरु गर्नुभएका गुरुङसग अहिले होलिस्टेन र जर्सी जातका ७६ भन्दा बढि गाईहरु छन । यो व्यबसायलाइ निरन्तररुपमा मिहनतका साथ गरे स्वदेशमा नै मनग्गै आम्दानी गर्न सकिने हुदा विदेशवाट फर्केका यूवाहरुलाई आफूले जानेको सीप स्वदेशमा नै सदुपयोग गरी उद्यम गर्न उहा सुझाउँनुहुन्छ् ।
स्वदेशमा नै केहि गर्छु भनेर यस्ता व्यवसायमा लागेका कृर्षकलाइ सरकारी तवरबाट दिने सेवासुविधा उपलब्ध नभएको कृर्षकको गुनासो छ ।
