धमला पत्नी एलिजाको कार्टुन क्र्यूका सरोजसँग डिस्कोमा मस्ती – हेर्नुस भिडियो सहित
नायिका एलिजा र कार्टुन क्र्यूका सरोज ‘कान्छा दाई गाना बजाईदेउन’ भन्दै डिस्कोमा थ्रेटरमा झुमी रहेको दृश्य सार्वजनिक भएको छ । तर उनीहरुको यो नृत्य वास्तविक जीवनमा नभएर चलचित्र अनुरागको एउटा गीतको भिडियोमा हो ।
आज सार्वजनिक गरीएको अनुरागको उक्त गीतमा एलिजा मदिराको नशामा मदहोस हुँदै झुमी रहेकी देखिन्छिन । निर्देशक सत्यराज चौलागाईंको डेब्यु निर्देशन रहेको फिल्म ‘अनुराग’को पहिलो गीत सार्वजनिक गरिएको छ ।
‘कान्छा दाई गाना बजाईदेउन…’ बोलको उक्त क्लब भर्सनको गीत उत्कृष्ट बनेको निर्देसक चौलागाईंले बताएका छन् । गीतमा ताराप्रकाश लिम्बुको संगीत रहेको छ भने तारा र ममता गुरुङले स्वर दिएका छन्
विक्रम स्वारको कोरियोग्राफी रहेको यस गीतको भिडियोमा कार्टुन क्र्यूका सरोज अधिकारी र नायिका एलिजा गौतमले फिचर गरेका छन् भने गीतलाई टेकेन्द्र शाहले सम्पदान गरेका हुन् । आगामी जेष्ठ ११ गतेलाई प्रदर्शन मिति तोकिएको ‘अनुराग’मा एलिजाका साथमा नव नायक समुन्द्र पण्डित र ठिलेन लामाको मुख्य अभिनय रहेको छ ।
साथै फिल्ममा राजाराम पौडेल, सरोज खनाल, रुपा राणा, विस्वा बस्नेत, शिशिर राणा, मोहन निरौला लगायतका कलाकारहरुको पनि अभिनय रहेको छ । एक पृथक सांगेतिक प्रेमकथामा बनेको ‘अनुराग’लाई एरिका फिल्म्सको ब्यानरमा तयार पारिएको हो ।
फिल्ममा भरत गौतम र गीता भेटवालको लगानी रहेका छ भने निर्माण नियन्त्रकका रुपमा नविन पुरी रहेका छन् । फिल्ममा ताराप्रकाश लिम्बु र सरोज पोखरेलको संगीत, प्रविन सिंह र बिक्रम स्वारको कोरियोग्राफी, किरण दाहालको कथा र आगत केसीको पटकथा तथा संवाद रहेको चलचित्र अनुरागमा राम कुमार केसीको छायाँकन रहेको छ ।
