एकै वडाबाट १ सय २७ परिवार बसाई सरे
धनकुटा खबर । धनकुटाको साविक तेलिया गाविस हालको छथरपोरपाटी गाउँपालिको वडा न ४ बाट ४ बर्षको अवधिमा १ सय २७ परिवारले वडा कार्यालय बाट अधिकारीक दर्ता भई बसाई सराई गरेका छन् ।
२०७० साल बैशाख १ गते देखि २०७४ साल फागुन ८ गते सम्मा यी परिवार संख्याले बसाई सराई गरेका हुन् । शिक्षा, स्वाथ्य, रोजगारीको खोजिमा पहाड बाट तराई र शहरी क्षेत्रमा बसाई सराई गर्न क्रममा बढेको हो ।
यस वडामा बार्षिक रुपमा बसाई सराई गर्नेको संख्या बढदै गएको तथ्याक छ । वडा कार्यलय बाट अधिकारीक दर्ता भई बसाई सराई गर्ने परिवारको संख्या यो भए पनि दर्ता नगराई थाकथलो छाड्ने परिवारको संख्या पनि उल्लेखिय रहेको वडा कार्यालयका सहायक शंकरप्रसाद ओझाले जानकारी दिए । उनले भने साविक गाविस हुदाको वडाको तथ्याक हेर्ने हो भने ९० प्रतिशत परिवार बसाई सराई गरेका छन् ।
