धनकुटा महोत्सवको तयारी अब अन्तिम चरणमा (भिडियो सहित)
धनकुटा खबर । यही फागुन २० गते देखी धनकुटामा सञ्चालन हुन लागेको धनकुटा महोत्सवको तयारी अन्तिम चरणमा पुगेको छ ।
पर्यटन तथा व्यापार प्रवद्र्धन गर्ने लक्षका साथ धनकुटा उद्योग वाणीज्य संघको आयोजना, घरेलु तथा साना उद्योग महासंघ धनकुटाको सहयोग र धनकुटा नगरपालिकाको विशेष सहयोगमा सञ्चालन हुन लागेको प्रदेश स्तरिय महोत्सवमा १ सय २५ प्रकारका स्टलहरु समावेश गरिने उद्योग वाणीज्य संघ धनकुटाका अध्यक्ष उमेश घिमिरेले वताउनुभएको छ ।
उहाँले महोत्सवमा राखीने विभिन्न प्रकारका स्टलहरु मध्ये कृषी, घरेलु पर्यटन,स्वास्थ्य र शिक्षाका सामाग्रीलाई विशेष प्राथामिक्तामा राखिएको जानकारी गराउनुभयो । त्यस वाहेक उद्योग,वाणीज्य तथा अटो मोवाईलका स्टलहरु समेत महोत्सवमा समावेश गरीने उहाँले वताउनुभयो ।
त्यस्तै २७ प्रकारका खानाका स्टलहरु राखीने छ । महोत्सवको तयारी अन्र्तगत अहिले स्टलहरु आउने, महोत्सवमा ल्याईने कलाकारहरुको अन्तिम टुङ्गो लगाउने लगायतका कामहरु भईरहेको र भोलि साँझ सम्म तयारीका सम्पूर्ण काम पूरा हुने अध्यक्ष घिमिरेले वताउनुभयो । जिल्लामा वसोवास गरिरहेका १५ जातजातीको साँस्कृतीक झाँकी एवम् भेषभूषा पनि प्रर्दशन गरिने महोत्सवको १ लाख मानिसले अवलोकन गर्ने अनुमान आयोजकले गरेको छ ।
प्रत्यक्षरुपमा तीन करोण र वाह्य वजार क्षेत्रको समेत गरी ५ करोणको कारोवार हुने अपेक्षाका गरिएको महोत्सवमा ६० लाख वरावरको खर्च लाग्ने अनुमान गरिएको अध्यक्ष घिमिरेले वताउनुभयो ।
