मेलिना र गंगा बरदानको गीतमा झुमे धनकुटाबासी
धनकुटा खबर । प्रदेसको राजधानी माग गर्दै आन्दोलन गरिरहेका धनकुटाबासी गीतसंगितमा रम्न थालेका छन् ।
बन्द हड्ताल आन्दोलनले थलिएको धनकुटाको ब्यापार प्रबद्र्धन गर्नको लागि चौथो प्रादेसिक औद्योगिक व्यापार मेला तथा कृषि प्रर्दशनी एवम् धनकुटा महोत्सवमा आएका कलाकारले धनकुटाबासीलाई सांगितिक मनोरन्जन दिईरहेका छन् ।
फागुन २० गते दखि सुरु भएको महोत्सवमा सोमबार राती ११ बजे सम्म धनकुटाबासी संगितमा झुमे । धनकुटाबासीलाई मनोरन्जन दिन र नचाउन आएकी थिईन, अहिलेकी हटकेक गायिका मेलिना राई । उनलाई साथ दिएका थिए, पुराना गायक गंगा बरदानले ।
लामो जुल्फी र ख्याउते शरिर, गंगा बरदानको परिचय हो । तर सांगितिक क्षेत्रमा उनी नेपालकै मोटा र अब्बल हुन् । त्यसैले ६५ बर्षिय गायक बरदानलाई धनकुटे युवायुवतीले साथ दिए । ९ बजे राती मंचमा उत्रिएका गायक बरदानले धराने हावा तोङवाको पानी, कहाँमा काट्यो बेतको लौरी र सदबहार लोकगीत छपनी छानछान, डबकीले हान बोलका गीत गाउँदा धनकुटा टुडिखेल संगितयम बनेको थियो । दर्शकले वान्समोर भन्दाभन्दै गायक बरदान विदा भए ।
गायक बरदानको पालो सकिने वित्तिकै मंचमा देखिईन, सुन्दरी गायिका मेलिना राई । मोरङबाट सांगितिक यात्रा सुरु गरेकी मेलिना राईले सुरुमै भनिन्ः मलाई जाडो र सुन्तला मन पर्छ । त्यसैले धनकुटामा एक्साईटेट छु । अनि दर्शकले हुटिङ गर्न र मेलिनाले गीत गाउँ सुरु गरे । सेन्टिमेन्टल गीत ‘पल भरमै खुसी’ बाट गाउन थालेकी राईले कुटुकुटुमा सुपारी दान बोलको गीत गाएर मंचबाट विदा भईन् । गीत गाउँदा पटकपटक धनकुटामा चोखो माया दिने जवानको खोजी रहेको भनिरहँदा दर्शक निकै उत्साहित भएका थिए ।
एक घण्टाको कार्यक्रममा उनले तिम्ले बाटो फे¥र्यौ अरे, कम्मर माथी पटुकी, शिरैमा शिरबन्दी, चरिजस्तो उड्न पाए, छपक्कै फुल फुल्यो र माच्छीले खाने खोलीको लेउ बोलका गीत गाउँदा रातको ११ बजेको दर्शकले पत्तै पाएनन् ।
त्यस अवसरमा धनकुटाको त्रिवेणी साँस्कृतिक समुहका कलाकारहरुले समेत दर्शकलाई मनोरन्जन दिएका थिए ।
