बर्षा भएसंगै धनकुटाका किसानलाई बर्खे चटारो
धनकुटा खबर । फागुनको अन्तिम सातामा बर्षा भए पछि धनकुटाका मकै खेति गर्ने किसान लाई राहत मिलेको छ ।
चैत महिना सूरु भए संगै मकै खेति सूरुहुने भए पनि प्रयाप्त बर्षा हुन नसक्दा चिन्तित बनेका किसानलाई बर्षा भए संगै बर्खे चटारो सुरु भएको बताउन थालेका छन् ।
धनकुटाको सहिदभूमी गाउँपालिकाका कृषक रामकुमार राईले भने पानी परेर त हामी किसान लाई गुन गरेको छ अब बारीमा मल लगाइ मकै खेति सुरु गर्ने बेला भयो । त्यस्तै चौबिसे गाउँपालिकाका अर्का किसान बोधबहादुर लिम्बुले भन्छन् ।
बर्षा भए संगै अब चैते धान रोप्ने र मकै रोप्ने काम सूरु हुन्छ गाउँ घरमा काम गर्ने मान्छे नपाउदा बेलै बाट आफ्नो काम त घटाउदै लैजानु पर्योनि । बर्षा मात्र भएका स्थानका किसान लाई पानी परेर राहत भएको छ भने असिनाले पानी बालि नष्ट भएका किसान लाई भने आहत भएको छ । असिना र बर्षाले धनकुटामा १६ करोड मूल्यको तरकारी बालि नष्ट गरेको थियो ।
धनकुटाको लेगुवा, भिरगाउँ, तेलिया , तांखुवा, मौनाबुधुक,बसन्तटार लागायतका स्थानमा व्यावसायकि मकै खेति हुने गरेको छ , धनकुटामा देउती, मनकामना ३ र ४, गणेश १, रामपुर कम्पोजिट, तथा अरुण १ र २ जातको मकै खेति हुने गरेको छ भने जिल्लाको कुल खाद्यन्यको करिब ३५ प्रतिशत मकै खेतियो येगदान रहेको जिल्ला कृषि विकास कार्यालयको तथ्याङ्क छ ।
