धनकुटा वोधेको आग्लागी अझै नियन्त्रणमा आएन : काठपात, जडिवुटी, पशु र सरसामान जल्दा लाखौंको क्षती
धनकुटा खबर । धनकुटाको चौविसे गाउँपालिका वडा नं ५ साविक वोधे ३ को तोस्थाने पाखा वनमा भईरहेको आग्लागी अझै नियन्त्रणमा आउन सकेको छैन ।
गएराती देखी भईरहेको आग्लागि नियन्त्रणका लागि ५ नं वडाध्यक्ष पदम देवानको नेतृत्वमा स्थानीय वासिन्दाले प्रयास जारी राखेपनि नियन्त्रण हुन नसकेको स्थानीय भूमिराज देवान आधुनिकले जानकारी दिनुभयो ।
आग्लागीको कारण वनको महत्व पूर्ण काठपात तथा जडिवुटी एवम् स्थानीय सुदिप याख्खाको गोठ र त्यहाँ भएको पशु र सरसामान जल्दा १ लाख २० हजार र अर्का स्थानीय कमल कुमार देवानको पनि गोठ र त्यहाँ राखिएको सरसामान जल्दा ७० हजार वरावरको क्षती भएको जनाईएको छ ।
आग्लागि नियन्त्रणमा नआएपछि सामुदायीक वन र वस्तिमा समेत आगो गुग्ने भन्दै स्थानीय चिन्तित भएका छन् ।
