जनशक्ति अभावको अन्त्य गर्न हातेमालो गर्दै धनकुटाका किसान !
धनकुटा खबर । जनशक्ति अभावले जीविकोपार्जनको मुख्य माध्यम तरकारी खेतिको क्षेत्र र उत्पादन घट्दै गएपछि धनकुटाको महालक्ष्मी नगरपालिका मूर्तिढुङ्गाका किसान सामुहिक मद्धत जुटाएर कृषि उपज उत्पादन र ब्यबस्थापन गरिरहेका छन् ।
छरछिमेकमा आलोपालो काम गर्ने फेरोपर्मको चलनले गाउँमा खेताला नपाएर कसैको खेतबारीनै बाँझिने र पाकेको बाली बेलैमा उठाउन नसक्दा बितेर जाने समस्याको अन्त्य भएको छ ।
स्थानीय सिंहदेवि कृषक समुहमा आबद्ध २५ जनाको यो समुह तीन बर्ष यता नर्सरी बनाउने, तरकारीका विरुवा रोप्ने, गोडमेल गर्ने, थन्क्याउने र उपज बिक्रिका लागि मोटरबाटो सम्म ओसार्ने कामका लागि टोलछिमेकमा यसरीनै आलोपालो हातेमालो गर्दै आएको किसान प्रेमप्रसाद ढकालले जानकारी दिए ।
हातेमालो गर्दै ब्यबशायीक बाटोमा लम्किएका किसानको जाँगर मर्न नदिन सिंधुवामा रहेको प्रधानमन्त्री कृषि आधुनिकिकरण परियोजनाले उत्पादन र बजारिकरणमा सहयोग गरेको प्रधानमन्त्री कृषि आधुनिकिकरण परियोजनाका प्रमुख हर्षहाङ राईले जानकारी दिए ।
