बढी राजश्व संकलन गर्ने वडा पुरस्कृत
धनकुटा खबर । धनकुटाको सहिदभूमि गाउँपालिकाले गतआर्थिक वर्षमा अन्य वडाको तुलनामा सबैभन्दा वढी राजश्व संकलन गर्ने वडा नं. २ लाई थप योजना दिएर पुरस्कृत गरेको छ ।
गाउँपालिकाले पाँच लाख रुपैया वरावरको योजना उपलब्ध गराएर पुरस्कृत गरेको हो ।
गत आवमा गाउँपालिकाले ३१ लाख ६० हजार रुपैया राजश्व संकलन गरेको थियो । जसमा २ नं वडाले मात्र ५० प्रतिशत अर्थात १४ लाख रुपैया भन्दा राजश्व संकलन गरेको गाउँपालिका अध्यक्ष मनोज राईले बताए ।
गाउँपालिकाको निर्णयबाट उक्त निर्णय गरिसकिएको बताउँदै उनले भने ‘गाउँपालिकाको सो व्यवस्थाले अन्यवडालाई पनि वढी कर संकलन गर्ने प्रेरणा हुन सक्छ ।’
७ वटा वडा रहेको सहिदभूमि गाउँपालिकाले चालु आवमा ८३ लाख ६० हजार रुपैया राजश्व संकलन गर्ने लक्ष्य लिएको अध्यक्ष राईले जानकारी दिए ।
