नयाँ मञ्च सहित चिटिक्क बन्यो धनकुटाको टुंडिखेल
धनकुटा खबर । धनकुटाको ऐतिहांसिक तल्लो टुंडिखेलमा नयाँ रंगमन्चको निर्माण गरिएको छ । मैदानको पश्चिम तर्फ रहेको मन्च जिर्ण भैपछि धनकुटा नगरपालिकाले खेल मैदानको दक्षिण तर्फ नयां रंगशाला निर्माण गरेको हो ।
पूर्व जिल्ला विकास समिति धनकुटाले निर्माण गरेको आधा मन्चमा थप लगानी गरेर धनकुटा नगरपालिकाले मन्च निर्माण पुरा गरेको छ ।
प्याराफिट पूननिर्माण,मैदान सुधार तथा कम्पाउण्ड घरो सहित नगरपालिकाको ३० लाखको लागतमा टुंडिखेल सुधार तथा मन्च निर्माण गरिएको नगरकपालिकाका ईन्जिनियर मिङ्गमा दोर्जी शेर्पाले जानकारी दिए ।
बर्षौ देखि जिर्ण रहेको टुंडिखेल पूणनिर्माण पछि चिटिक्क भएपछि उक्त स्थान नगरबासीहरुका लागि घुमफिर गर्ने थलो बन्ने गरेको छ ।
मैदानको दर्शक बस्ने ठीक बिपरित तर्फ बनाएको उक्त नवनिर्मित मन्चले खेलकुद कार्यक्रमहरु भएको समयमा कार्यक्रम गर्न सहज हुनेभएको छ ।
