‘दिनभर हाँचका हाँच ढेडु-बाँदर रात परेपछि बँदेल र दुम्सीको चोक्रोलो’ धनकुटाका किसान आजित
धनकुटा खबर । बस्ती नजिकैका वनबाट निस्केर अन्नवाली नष्ट पार्न थालेपछि धनकुटाको छथरजोरपाटी, चौविसे, धनकुटा नगरपालिका लगायत स्थानका किसान जंगली जनावरले गर्ने वालि नोक्सानीले आजित भएको बताउछन् ।
बालीनाली पाक्ने बेलामा जंगली जन्तुको विगविगी बढेपछि यी स्थानका तल्लो भेगका किसान लाई ठुलो चिन्ताले सताएको छ । धनकुटा नगरपालिकाम कृषक हर्क बहादर राईले भने , –‘पाक्न लागेको वालि जोगाउन समेत हम्मे भई सक्यो बस्ती नजिकैका सामुदायीक बनबाट बस्तीमा र अन्न वालि लगाएको खेत बारीमा प्रवेस गर्ने जनावरका कारण बालीनाली पाक्ने बेलामा किसानले सुखले खाना समेत खान पाएका छैन्न् ’ ।
प्रायः दिनहु दिउँसो हाँचका हाँच बाँदर–ढेडु आउँछन भने राती बँदेल र दुम्सीले चोक्रोलो मच्चाउने गरेका अर्काे किसान छथरका कृषक भोला लिम्बु बताउछन् । स्थानीयलाई बारिमा लगाईएको मकै, कोदो, सुठुनी, पिँडालु, बोडी, दाल, बदाम जनावरवाट बचाउन मुस्कील पर्न थालेको छ ।
किसानले लगाएका अन्नबाली, तरकारी र फलफूल जोगाउन कुनै उपाय नलागेपछि धनकुटा नगरपालिकाले गएको आर्थिक बर्षमा बजेट छुट्याए रै मङ्की क्याचरको समुह बोलाएर बाँदर समाती स्थानान्तरण समेत गरेको थियो ।
