नयाँ बर्ष देखि भेडेटारको भ्यू टावरबाट दृष्यावलोकन गर्न सकिने !
धनकुटा खबर । २०७२ सालको भुईचलोले जिर्ण भएपछि पुननिर्माण भईरहेको भेडेटारको भ्यू टावर नयाँ बर्ष देखि सन्चालनमा आउने भएको छ ।
अबको केहि महिनामा नै निर्माण पुरा भएर बैसाख १ गतेबाट सन्चालनमा आउने निर्माण समितिका सचिव थामेश्वर सुब्बाले जानकारी दिनुभयो ।
गत आर्थिक बर्षमा साँगुरीगढी गाउापालिकाले टावर निर्माणका लागि १५ लाख बिनियोजन गरेपनि समय अभावका कारण काम गर्न नसक्दा निर्माण पुरा हुन नसकको सुब्बाले जानकारी दिए ।
यो पटक भने गाउापालिकाले २० लाख रुपैंया बजेट बिनियोजन गर्न लागेकाले समयमा नै काम सम्पन्न हुने उनले जानकारी दिए ।
हिमाल पहाड र तराई हेर्न सकिने यो टावर पुननिर्माण पछि भेडाको प्रतिमा सहितको टावर बन्ने टावर निर्माण समितिले जानकारी दिएको छ ।
टावरका लागि हाल सम्म आर्थिक बर्ष ०७३÷०७४ मा साविक जिल्ला विकास समिति धनकुटाको १४ लाख ,पर्यटन बोर्डको १२ लाख र गत बर्ष बोर्डकै ६ लाख गरी कुल ३२ लाख लगानी रहेको छ ।
यस अघि उक्त भ्यू टावरबाट दृष्यावलोकन गर्न दैनिक एक सय देखि ६ सय सम्म र्पटकहरु आउने गरेका थिए ।
