सागुरीगढीमा खुल्ला नकआउट फुटवल प्रतियोगिता : २७ टिम सहभागी, ४ खेल सम्पन्न
धनकुटा । धनकुटाको सागुरीगढी गाउँपालिका ९ मा जारी खुल्ला नकआउट फुटवल प्रतियोगिता मा आज विभिन्न ४ वटा खेलहरु भएकाछन् ।
लक्ष्मी देउराली फुटवल क्वलको आयोजना तथा सागुरीगढी गाउँपालिकाको सहयोगमा सञ्चालित प्रतियोगिता अन्र्तगत आज शहिदभूमि गाउँपालिका थलथले र विष्णु साँस्कृतीक क्वल धरान वीच भएको खेलमा ३–१ गोलको अन्तरले थलथले ले जित हासिल गरेको छ ।
त्यस्तै वराह नगरपालिका १ चियावारी र सागुरीगढी गाउँपालिका ७ वीच भएको खेलमा पनि ३–१ कै अन्तरले वराह नगरपालिकाले जित हाँसिल गरेको छ । यता सागुरीगढी ९ हर्दिया र विष्णुपादुका धरान २० वीचको खेलमा १–० गोल लगाउदै सागुरीगढी ९ ले जित हाँसिल गरेको छ ।
त्यस्तै शहिदभूमि गाउँपालिका १ सफाईधाप र सागुरीगढी ९ आहाले वीचको खेलमा २ – १ गोल अन्तरले शहिद भूमिले जित निकालेको छ । गत २२ गते देखी शूरु भएको प्रतियोगिताको फाईनल खेल भदौ ३० गते हुने आयोजकले जनाएको छ ।
प्रतियोगिताको विजयी प्रथम टिमले नगद १ लाख सहित कप,मेडल र प्रमाणपत्र पुरस्कार प्राप्त गर्नेछ भने दोश्रो हुने टिमले नगद २५ हजार सहित कप मेडल र प्रमाण पत्र प्राप्त गर्ने छ ।
सागुरीगढी गाउँपालिका को २ लाख आर्थिक सहयोगमा सञ्चालित प्रतियोगितामा धनकुटाको सागुरीगढी गाउँपालिका, शहिदभूमि गाउँपालिका सहित धरान उपमहानगरपालिका र वराहक्षेत्र नगरपालिकाका २७ टिमको सहभागिता छ ।
