हिलेस्थित वक्रकुण्ड मन्दिरमा भक्तजनहरुको घुईचो, ८ हजार बढी भक्तजनहरुले पूजापाठ गरे
धनकुटा । आज भाद्र शूक्ल तृतीया अर्थात हरितालिका तीज पर्व देशभरका हिन्दु नारीहरुले मनाएकाछन् ।
तीजको अवसरमा धनकुटा १ हिलेको वक्रकुण्ड पञ्चेश्वर महादेवको मन्दिरमा विहान देखी साँझ सम्म भक्तजनहरुको घुईचो लागेको थियो ।
यो मन्दिरको व्यवस्थापन कार्यलाई तिव्रता दिईए सँगै यो वर्षको तीजको दिन आज ८ हजार भन्दा धेरै भक्तजनहरुले दर्शन एवम् पूजापाठ गरेको मन्दिर व्यवस्थापन समितिले जनाएको छ ।
यो संख्या गत वर्षको तुलनामा निक्कै वढी भएको मन्दिर व्यवस्थापन समितिका अध्यक्ष सिंह तितुङले वताउनुभयो । मन्दिरमा भक्तजनहरुको सुविधालाई ध्यानमा राख्दै पूजा आराधनाका लागि विहानैवाट पूजारी सहित अन्य आवश्यक व्यवस्था गरिएको थियो ।
यता हिले सिरान स्थितको रत्न षडेश्वर शिवालय मन्दिरमा पनि विहानै देखी भक्तजनहरुको उपस्थिती वाक्लो थियो ।
