कुखुरा फर्मलाई तताऊँदा आगो अनियन्त्रित भै धनकुटास्थित एक घर जलेर नष्ट
धनकुटा खबर । धनकुटाको साँगुरीगढी गाँउपालिका वडा नं. १ फलामेटार स्थित एक घरमा आइतबार दिउँसो आगलागि भएको छ।
स्थानिय पूर्ण बहादुर लिम्बूले आफ्नो कुखुरा फर्मलाई तापक्रम दिने क्रममा आगो अनियन्त्रित भई घरमा पुगेको हो। आगलागिबाट लिम्बूको जस्ताले छाएको दुई तले कच्ची घर जलेर नष्ट भएको प्रहरीले जनाएको छ।
आगलागिबाट घरमा रहेका लत्ताकपडा, भाडाकुडाँ सहित कुखुरा फर्म, गाईगोठ पुर्णरुपमा जलेका छन भने केही कुखुरा समेत मरेका छन । आगलागिबाट फर्ममा झन्डै १७ लाख बराबरको क्षति भएको जिल्ला प्रहरी प्रमुख एसपी सुरेन्द्र बहादुर गुरुङले जानकारी दिए।
