दौतरी शिक्षा विषयक तालिम सम्पन्न
धनकुटा खबर । धनकुटा नगरपालिका १० स्थितको आधारभूत विद्यालयमा दौतरी शिक्षा विषयक एक दिने तालिम आज सम्पन्न भएको छ ।
राष्ट्रिय प्रारम्भिक कक्षा पढाई कार्यक्रमको आयोजनामा सञ्चालित तालिममा विद्यलयका १५ जना अभिभावकहरुलाई आफ्ना वालवालिकाको पढाईलाई घर र टोल छिमेकमा व्यवहारिक रुपमा कसरी व्यवस्थापन र सञ्चालन गर्ने भन्नेवारे जानकारी गराईएको विद्यालयका प्रधानाध्यापक उत्तम प्रसाद भट्राईले जानकारी दिनुभयो ।
आधारभूत विद्यालय व्यवस्थापन समितिका अध्यक्ष धन वहादुर मोक्तान तामांको अध्यक्षतामा भएको तालिमको सहजीकरण राष्ट्रिय प्रारम्भिक कक्षा पढाई कार्यक्रम एन ई जी आर पी धनकुटाका सामाजिक अधिकृत गोकूल घिमिरेले गर्नुभएको थियो ।
तालिम १ देखी ३ कक्षा सम्मका वालवालिकाहरुको पढाईलाई समूदायमा कसरी व्यवस्थित र वैज्ञानिक वनाउन सकिन्छ भन्ने विषयमा केन्द्रित रहेको थियो । तालिममा स्वागत मन्तव्य शिक्षक अनिता कार्की भट्राईले राख्नुभएको थियो भने सञ्चालन र व्यवस्थापन विद्यालयका प्रधानाध्यापक उत्तम प्रसाद भट्राईले गर्नुभएको थियो ।
