द भ्वाइस अफ नेपाल-२ मा छोरीलाई अडिसनको लागि दार्जिलिंगबाट लिएर आएका डेजी र चन्दन भन्छन: ‘सिमानाले देश छुट्टिए पनि नेपाली मन छुट्टिदैन’ – भिडियो
काठमान्डौ । भैसी लड्यो है माया भिरबाट हेर… यो कालजयी नेपाली लोक गीत सबैको मनमा बस्न सफल छ । दार्जिलिङकि गायिका डेजी बराइलीले आज भन्दा ४४ बर्ष पहिले गाएको यो गीत हरेक नेपालीको मानसपटलमा बस्न सफल गीत हो । यहि कालजयी गीत फेरी एकपटक सबै नेपालीको माझ गुन्जिएको छ ।चर्चित संगिङ्ग रियालिटी शो द भ्वाइस अफ नेपालको ब्लाइन्ड अडिसनमा दार्जीलिङकि बिमोचन लोम्जेलले यो गीत गाइरहदा कोचहरु मात्र झुमेनन उपस्थित दर्शक पनि झुमे । कोच दीपले कुर्सि घुमाएको केहीबेर मै सबै कोचले कुर्सि घुमाए ।
अर्थात् विमोचनाको आवाज मन पराए । परिचयका क्रममा थाहा भयो विमोचना लोम्जेल त्यिनै डेजी बराइलीकि छोरी रहिछिन । नेपाली सांगीतिक जगतको एक कालजयी गीतकि गायिका डेजी सबैको मनमा बस्न सफल नाम थियो । कोचहरुले नै बोलाउन भनेपछि विमोचनाले फ्याम्ली रुममा रहेका आमा बुवालाई बोलाइन । गायिका डेजी बराइली र संगीतकार चन्दन लोम्जेल स्टेजमा पुगेपछि सबै कोचले स्टेजमै स्वागत गरे, सम्मान गरे, खुसि साटे ।कोच दीपसंग पुरानो चिनजान भएका डेजी र चन्दन नेपाली गीत संगीतका कालजयी श्रस्टा भएको स्वयम् कोचहरुलेनै बताए ।
स्वर सम्राट नारायण गोपालको गीतमा समेत संगीत गरेका संगीतकार चन्दन लोम्जेलले जब हामी जहाँ बसेपनि नेपाली आमाको सन्तान हौ भनेपछि भ्वाइसको स्टेज तातेको थियो । कार्यक्रममा कोचहरुको अनुरोधपछि गायिका बराइलीले भैसी लड्यो गीत समेत गायकी थिइन । त्यिनै कालजयी गायिका र संगीतकारसंग सडक मिडियाले लिएको भिडियो
