मौलिक पूर्वेली गीत ‘ऐंशेलु टिपी पातैमा’ सार्वजनिक (भिडियो सहित)
नेपाली मौलिक गीतहरु क्रमशः लोप हुँदै जाने क्रममा छन् । नेपाली संगीतमा नयाँ नयाँ प्रयोगहरु भित्रिने क्रमले गर्दा पुराना र मौलिक लय तथा धुनहरु दुर्लभ बन्दैछन् । तर तिनको मिठास र माधुर्यता भने जीवन्त छन् ।
स्टुडियो किंगले एउटा त्यस्तै श्रुतिमधुर लोक भाका भर्खरै सार्वजानिक गरेको छ । भ्वाईस अफ नेपालको उत्कृष्ट २४ सम्म पुग्न सफल गायिका बर्त गन्धर्व र कभर गायनबाट चर्चा बटुल्दै नेपाली सागीतिक क्षेत्रमा आफनो पहिचान बनाईरहेका महेन्द्र राईको युगल आवाजमा रहेको ऐँसेलु टिपि पातैमा, बोलको लोक गीत सार्बजानिक गरिएको हो ।
गीति लेखनमा पाईला चाल्दै गरेका दिलीप बान्तावाको शब्द तथा सगीतकर्मी मनोज साङसोन राईको लय संकलन एवं सगीत संयोजन रहेको गीतको भिडियो जस्केलो क्रियसनले तयार गरेको हो ।
