जब करेन्ट लागेको बच्चा बोकेर बाँदर आफैं अस्पताल पुग्यो
काठमाडौं । सन्तानको माया कसलाई हुन्न र ? पशुलाई पनि आफ्नो सन्तानको माया उत्तिकै हुन्छ भन्ने एउटा उदाहरण बनेको छ बाँदर ।
केही समयअघि बाँदरको छाउरो ११ केभी प्रशारण लाइनमा करेन्ट लागेर गम्भीर घाइते भयो । आफ्नो छाउरो भुइँमा झरेपछि बाँदर तत्काल काखमा च्यापेर पशु अस्पतालमा लग्यो । अस्पताल पुगेपछि केहीबेरमा छाउरो मर्यो ।
बाँदरको यो दृश्यले स्थानीय भावुक भए । मानिसलाई भावुक बनाउने यो दृश्य भारतको मध्य प्रदेशको हो । पशु अस्पताल लगेको धेरै समयपछि छाउरा मरेको थियो । त्यो दृश्य देख्ने कसैले पनि उपचारमा सहयोग गरेनन् ।
बाँदरले अस्पतालको गेट तर्फ हेरेर आफ्नो छाउरोको जीवन रक्षाको अपील गरेको थियो । सबैले भिडियो र फोटो खिचे । तर उसको उपचारमा मानिसले ध्यान नदिएको भन्दै सामाजिक सञ्जालमा तस्बिर भाइरल बनेको छ ।
पशु चिकित्सकले समयमै खबर भएको भए वा आफूले थाहा पाएको अवस्थामा छाउरोलाई बचाउन सकिने बताएका छन् । बाँदरले अस्पतालसम्म आफ्नो बच्चा ल्याएको यो पहिलो घटना भएको उनले पत्रकारसँग बताएका छन् ।
