सागमा स्वर्ण पदक विजेता खेलाडीलाई ९ लाख दिने प्रधानमन्त्री ओलीको घोषणा
काठमाडौं, २५ मंसिर । प्रधानमन्त्री केपी शर्मा ओलीले हिजो सम्पन्न भएको १३ औ दक्षिण एसियाली खेलकुद प्रतियोगिता (साग) मा स्वर्ण पदक जित्ने नेपाली खेलाडीलाई नौ लाख दिने घोषणा गरेका छन् ।
बुधबार प्रधानमन्त्रीको सरकारी निवास बालुवाटारमा खेलाडीहरुलाई सम्मान गर्दै प्रधानमन्त्री ओलीले स्वर्णलाई ९ लाख, रजत पदक विजेता खेलाडीलाई ६ लाख र कास्य पदक विजेतालाई तीन लाख रुपैया दिने घोषणा गरे । कार्यक्रममा प्रधानमन्त्रीले एकभन्दा बढी स्वर्णपदक विजेतालाई भने ११ लाखका दरले पुरस्कार दिने जानकारी दिए ।
