नेपाली भूमिमा चीनवि’रुद्ध हुने कुनै गतिविधि स्वी’कार्य छैन : गृहमन्त्री थापा
काठमाडौं, २२ पुस । गृहमन्त्री रामबहादुर थापाले नेपाली भूमीमा चीनवि रुद्ध हुने गतिवि धि स्वी’कार्य नहुने दोहोर्याउनुभएको छ । चीन भ्रमणमा रहनुभएका गृहमन्त्री थापाले चीनका सार्वजनिक सुरक्षा मन्त्री झाओ केजीसँगको भेटमा नेपाली भूमिमा चीन वि रोधी गतिविधि हुन नदिने बताउनुभएको हो ।
उहाँले नेपाल एक चीन नीतिमा दृढ रहेको पनि बताउनुभएको थियो । भेटमा गृहमन्त्री थापाले नेपालको सामाजिक तथा आर्थिक विकासमा चिनियाँ पक्षको सहयोगका लागि धन्यवाद पनि दिनुभएको थियो ।
भेटका क्रममा सार्वजनिक सुरक्षाका विषयमा दुईपक्षीय सहयोगलाई बढावा दिँदै सीमा अपराध नियन्त्रणका साथै क्षमता विकास र सीमा व्यवस्थापनका विषयमा पनि छलफल भएको चीनस्थित नेपाली दूतावासले विज्ञप्ति जारी गरेर जनाएको छ ।
दुई नेताबीच सीमालाई सुरक्षित राख्नका लागि दुई देशको कानून कार्यान्वयन गर्ने निकायबीच सहयोग र समन्वय बढाउने विषयमा सहमति पनि भएको जनाइएको छ । भेटवार्ताका क्रममा चीनका लागि नेपाली राजदूत लीलामणि पौड्यालसहित अन्य उच्च अधिकारीको सहभागिता थियो ।
