धनकुटाका ७ हजार बढी परिवारलाई राहत वितरण
धनकुटा खबर, ४ बैशाख । धनकुटाका स्थानिय तहले लकडाउनको असरको कारण दैनिक ज्यालादारी गर्ने, गरिब, दलित तथा विपन्न परिवार ७ हजार ६ सय ११ परिवार लाई राहत वितरण गरेको जनाएका छन् ।
स्थानियतहले राहत वितरणको मापदण्ड भित्र परेका परिवार लाई राहत वितरण गरेको जनाएका हुन् । जस अन्र्तगत धनकुटा नगरपालिकाका २ हजार २ सय ९३ परिवार लाई दैनिक उपभोग्य वस्तु दाल, चामल, नुन, तेल, हातधुने साबुन खरिद गरेर वडाध्यक्षहरुको रोहबरमा घर–घर गएर राहत वितरण गरेको धनकुटा नगरपालिकाका नगर प्रमुख चिन्तन तामाङले जानकारी दिनु भयो ।
त्यस्तै महालक्ष्मी नगरपालिकाले ६ सय १८ परिवार लाई राहत वितरण गरेको छ भने पाख्रीवास नगरपालिकाले १ हजार ५ सय परिवार ,चौबिसे गाउँपालिकाले १ हजार १ सय परिवार त्यस्तै साँगुरीगढी गाउँपालिकाले १ हजार ५० परिवार, छथरजोरपाटि गाउँपालिकाले ६ सय ११ परिवार तथा शहिदभूमि गाउँपालिकाले ४ सय ३९ घरपरिवार लाई राहत वितरण गरेको गाउँपालिका कार्यलयहरुले जनाएका छन् ।
