लकडाउन थप कडा बनाईएपनि धनकुटाका घर-घरमा अत्यावश्यक सामाग्री
धनकुटा खबर, जेष्ठ १० । घर घरमा ताजा तरकारी तथा दुध लगायत अत्यावाश्यक सामाग्री उपभोक्ताहरुको घर घरमा पुर्याउने कार्यलाई धनकुटामा जारी राखिएको छ ।
जिल्लामा कोरोना भाईरस संक्रमण फैलिएसँगै लकडाउन थप कडा बनाईएपनि धनकुटा उद्योग बाणिज्य संघको समन्वयमा उपभोक्ताहरु घरघरमा ती सामाग्री पुर्याईउने कार्यलाई जारी राखिएको हो ।
कडा लकडाउनको अवस्थामा झन उपभोक्ता तरकारी तथा दूध लगायतका अत्यवाश्यक सामाग्री सहज रुपमा उपलब्ध होस् भन्ने लक्षका साथ व्यावसायीहरुले उपभोक्ताको घर घर मै ती सामाग्री पुर्याएर विक्रि वितरण गरेका हुन् ।
लकडाउनको पूर्ण रुपमा पालना गर्दै ४ वटा पिकअप गाडीबाट ताजा तकारी र दूध लगायतका समाग्री घरघरमा पुर्याएको उद्योग वाणिज्य संघ धनकुटाका अध्यक्ष विजय सन्तोषी राईले जानकारी दिनुभयो ।
कृषकहरुले उत्पादन गरेको तकारी तथा दूध जस्ता समाग्री लकडाउनका कारण विक्रिवितरण गर्न समस्या भएको वेला संघले समन्वय गरी यस्तो काम गर्दा कृषकहरुलाई पनि केही राहत हुने र उपभोक्तालाई पनि सजहहुने भएपछि शूरु देखी नै रोटेशनको रुपमा यो अभियान सञ्चालन गरिएको संघले जनाएको छ । यो कार्यलाई थप तिव्रता दिईएको संघका महासचिव राम वहादुर गोङ्वाले वताउनु भयो ।
