धनकुटाका कोरोना संक्रमितको सम्पर्कमा आएका ८४ जनाको रिपोट नेगेटिभ
धनकुटा खबर, ११ जेठ । जिल्ला अस्पताल धनकुटामा कार्यरत स्वास्थ्यकमी तथा सुरक्षाकर्मिको सम्पर्कमा आएका ८४ जनाको रिपोट नेगेटिभ आएको छ ।
अस्पतालमा कार्यरत स्वाथ्यकर्मि, असपतालमा खटिएका सुरक्षा कर्मि र स्वाथ्य कर्मीका आफ्न्तमा समेत कोरोना संक्रमण भएको पुष्टी भए पछि उनिहरुको सम्पर्कमा आएका ८४ जनाको पिसिआर रिपोट नेगेटिभ आएको स्वाथ्य कार्यलय धनकुटाका प्रमुख तुलसीप्रसाद गुराँगाईले जानकारी दिनु भयो ।
धनकुटामा स्वास्थ्यकर्मी, सुरक्षाकर्मी र स्वास्थ्यकर्मीका परिवार गरि ७ जनामा कोरोना संक्रमण देखिएपछि स्वास्थ्य कार्यालयका कर्मचारी, अस्पतालका बाँकी रहेका स्वास्थ्यकर्मी, विरामीका कुरुवा, सुरक्षाकर्मी, संक्रमित स्वास्थ्यकर्मीका परिवार र अस्पतालको क्वाटर भित्र रहेका सबै स्वास्थ्यकर्मीका परिवार गरि ८४ जनाको पिसिआर टेस्ट गरिएको हो ।
