धनकुटाको पाख्रीवासमा च्यापकटर मेसिन बाँडियो
शर्मिला राई, धनकुटा खबर । धनकुटाको पाख्रीवास नगरपालिका वडा नं ४ का किसानहरुलाई आज च्यापकटर मेसिन वितरण गरिएको छ ।
कृषकहरु सँग वडाध्यक्ष कार्यक्रम अन्र्तगत चालु आर्थिक वर्षको ४ लाख वजेट मार्फत सो वडा का सम्पूर्ण टोलका किसानलाई हुनेगरी १० वटा च्याप कटर मेशिन वितरण गरिएको हो । यो सँगै चालु आर्थिक वर्षको योजनाको करिव ९५ प्रतिशत काम सकिएको वडाले जनाएको छ ।
मेशिन सँगै किसानहरुलाई १७ वटा टनेल समेत प्रदान गरिएको वडाध्यक्ष सोवित निरौलाले जानकारी दिनुभयो । किसानहरुलाई कृषी पेषामा उत्साहित गर्दै व्यवसायीक वनाउने लक्षका साथ यही असार महिना भित्रै नेपीयर सिओ थ्री, सिओ फो लगायत ४ जातको घाँसको विरुवा समेत वितररण गरिने वडाले जनाएको छ ।
