शहिदभूमी गाउँपालिकामा जारी खाल्साथुम खुल्ला पुरुष फुटवल प्रतियोगितामा आज ४ वटा खेल,को भए विजयी ?
शर्मिला राई,धनकुटा खबर । धनकुटाको शहिदभूमी गाउँपालिका खाल्साथुम छिन्ताङ युवा क्लवको खेल मैदान पुँवालेडाँडामा जारी प्रथम खाल्साथुम खुल्ला पुरुष फुटवल प्रतियोगितामा आज ४ वटा खेलहरु भएकाछन् ।
सरस्वती पूजाको अवसरमा खाल्साथुम छिन्ताङ युवा क्लवको आयोजनामा सञ्चालित प्रतियोगिता अन्र्तगत साम्वुगाउँ “ए” छिन्ताङ र लक्ष्मी देउराली क्लव वीच भएको आजको पहिलो खेलमा सडेनडेथको समयलाई सदुपयोग गर्दै ६ को विरुद्ध ७ गोल लगाएर साम्वुगाउँ विजयी भएको छ ।
त्यस्तैगरी साम्वुगाउँ “वी” र माम्फिाङ वीच भएको दोश्रो खेलमा १-२ गोल अन्तरले माम्फिङ विजयी भएको छ भने भक्तवोलना स्मृती युवा क्लव र पीप्ले फुटवल क्लव वीच भएको तेश्रो खेलमा ०-१ गोल अन्तरले पीप्ले विजयी भएको छ ।
रापा १२ धरान सुनसरी र पोक्ला शहिदभूमी वीच भएको आजको चौथो तथा अन्तिम खेलमा ०-२ गोल अन्तरले रापा १२ धरान सुनसरी विजयी भएको छ । भोलिको खेल विहान १० वजेदेखी शूरु हुने प्रतियोगिता आयोजक क्लवका अध्यक्ष वसन्त राईले जानकारी दिनुभयो ।
जम्मा १९ टिमले सहभागिता जनाएको प्रतियोगिताका विजयी प्रथम समूहले नगद ५० हजार ५ रुपयाँ सहित ट्रफी, मेडल र प्रमाण पत्र, दोश्रो हुने समूहले नगद २५ हजार ५ रुपयाँ सहित ट्रफी,मेडल र प्रमाणपत्र पुरस्कार प्राप्त गर्नेछ । उत्कृष्ट खेलाडीलाई समेत आर्कषक पुरस्कारको व्यवस्था छ ।
