पुरानो प्रविधिलाई विस्तापित गर्दै नयाँ प्रविधिबाट सेवा सुरु
धनकुटा,२९ चैत । नेपाल टेलिकम दुरसंचार कार्यलय धनकुटाले आज बाट कपर प्रविधीको टेलिफोन लाईन लाई विस्तापित गर्दै अप्टिकल फाइवर मार्फत सेवा दिन सुरु गरेको छ ।
टेलिकम दुरसंचार कार्यलय धनकुटाले आज एक कार्यक्रम गर्दै पुरानो प्रविधी लाई विस्तापन गर्दै नयाँ प्रविधीको सुरुवात गरेको हो ।
आज एक कार्यक्रमका विच धनकुटा नगरकार्यपालिकाका प्रमुख चिन्तन तामाङ्गले पुरानो प्रविधी लाई अफ गर्दै प्रमुख तामाङ्ग र नेपाल टेलिकम प्रादेशिक निर्देशनालयका निर्देशक सूर्यनारायण मालाकारले संयूतm रुपमा नयाँ प्रविधीको सूरुवात गर्नु भयो ।
कार्यक्रमा बोल्दै धनकुटा नगरपालिका वडा न ६ का वडा अध्यक्ष नरेश श्रेष्ठले टेलिकमले प्रविधिको विस्तार संगै त्यसको गुणस्तरमा समेत ध्यान दिनु पर्ने बताउनु भयो ।
त्यस्तै नेपाल पत्रकार महासंघ धनकुटाका अध्यक्ष राजेश्वर बहादुर श्रेष्ठले छोटो समयमै टेलिकमले गरेको विकास अन्य सरकारी निकाय लाई सिकाई बन्नु पर्ने बताउनु भयो । त्यस्तै प्रमुख अतिथी धनकुटा नगरकार्यपालिकाका प्रमुख चिन्तन तामाङ्गले विस्तारित सेवा बिश्वसनिय भए राष्टिय पुजीँ समेत देश बाट नबाहिरिने बताउनु भयो ।
नेपाल टेलिकम प्रादेशिक निर्देशनालय निर्देशक सूर्यनारायण मालाकारले प्रविधीको विकास संगै प्रविधीको प्रयोग लाई सबैले उपभोग गर्नु पर्ने बताउनु भयो । त्यस्तै नेपाल टेलिकम दुरसंचार कार्यलय धनकुटाका प्रमुख ज्ञाननाथ सापकोटाले पुरानो प्रविधी लाई विस्तापन गर्दे नयाँ प्रविधी मार्फत सेवा दिन पाउँदा आफूहरु लाई खुसी लागेको बताउनु भयो ।
कार्यक्रममा नेपाल टेलिकम दुरसंचार कार्यलय धनकुटाका कर्मचारी, नेपाल टेलिकम प्रादेशिक निर्देशनालयका कर्मचारी ,जनप्रतिनिधी पत्रकार लगायतको उपस्थिती रहेको थियो ।
