नेपाली कांग्रेसको १४औं महाधिवेशनमा धनकुटाबाट ५ जनाको केन्द्रीय सदस्य पदमा उमेद्धवारी
धनकुटा,२६ मंसिर । नेपाली कांग्रेसको १४औं महाधिवेशनमा धनकुटा बाट ५ जनाले केन्द्रीय सदस्य पदमा उमेद्धवारी दिनु भएको छ । केन्द्रिय सदस्यमा उमेद्धवारी दिनेहरुमा संविधानसभा सदस्य एवम् पूर्व मन्त्री सुनिल बहादुर थापा, पूर्व जिल्ला सभापति हरि कुमार राई , संविधान सभा सदस्य अन्जना ताम्ली, त्यस्तै नेताहरु उदय बहादुर लिम्बु र आनन्द सन्तोषी राई रहेका छन् ।
उनिहरुले विभिन्न प्यानल बाट उमेद्धवारी दिएका हुन् ।
मेरो टिम सक्षम छ, पहिलो चरणमै सभापतिमा चुनाव जित्छु : शेखर कोइराला
काठमाडौं, २६ मंसिर/नेपाली कांग्रेसका १४औँ महाधिवेशनमा सभापतिका उम्मेदवार डा। शेखर कोइरालाले आफ्नो समूहले पहिलो चरणमा नै जित हासिल गर्ने बताएका छन ।
महाधिवेशनमा संस्थापनइतर समूहको नेतृत्व गर्दै सभापतिमा उम्म्दवारी दिएका कोइरालाले आइतबार बिहान अनुपम फुडल्याण्डमा कार्यकर्ताहरूलाई आफ्नो समूहमा सक्षम र योग्य उम्म्दवार रहेकाले पहिलो चरणमै ५१ प्रतिशत बढी मत ल्याएर जित हासिल हुने बताएका हुन् ।
उनले विपीले परिकल्पना गरे जस्तो र शुवर्ण शम्सेर, गणेशमान सिंह, गिरिजा प्रसाद कोइराला, कृष्णप्रसाद भट्टराई, सुशील कोइरालाले सपना देखेअनुसारको पार्टी गर्न आफ्नो टिम सक्षम रहेको दाबी गरे ।
कांग्रेसमा आबश्यक रुपान्तरण गर्न आफ्नो टिम सक्षम रहेकाले पनि आफूहरुको जित सुनिश्चित रहेको बताएका हुन् । उनले ऊर्जा र अनुभवसहितको आफ्नो टिम कार्यकर्ताले चाहे जस्तो पार्टी बनाउन सक्षम रहेकाले आफ्नो समूहमा मतदान गर्न उनले कार्यकर्तालाई आग्रहसमेत गरे ।
